Жақында ғана ұлды болған жұлдызды жұп Райм мен Ерке Есмахан баласына қандай есім бергені белгілі болды, деп хабарлайды Ulysmedia.kz
«Раймбекұлы Ислам», – деп Райм ұлының есіміне қатысты қысқа пост жазды.
Әлеуметтік желідегі оқырмандар әлі күнге дейін танымал жұпқа жарыса тілек жазып, дүние есігін ашқан сәбиге ұзақ ғұмыр тілеуде.
«Бауы берік болсын! Анасына да, баласына да денсаулық тілейміз», «Осы жылдың жақсы жаңалықтары өздерің, бәрі жақсы болсын. Ерке қызымызға күш-қуат берсін», «Оралға+1 ұл» деген сияқты ақжарма тілектер толастар емес.
Естеріңізге салсақ, Райм мен Ерке Есмахан некелерін биыл 4 сәуірде, Ораза кезінде, Түрксіб ауданының АХАТ бөлімінде тіркеген еді.