Компания жеке инвесторларға сатылған, деп хабарлайды Ulysmedia.kz.
Yandex N. V. ресейлік "Яндекс" IT-компаниясын жеке инвесторлар тобына сатқаны белгілі болды.
Мәміле сомасы 475 миллиард рубльді құраған.
31 шілдеге дейін компания атауын өзгертіп, "Яндекс" брендтерін пайдалануды тоқтатады.
– Яндекс іздеу, қалалық, ойын-сауық және білім беру қызметтерін, сондай-ақ бұлтты технологияларды, автономды автомобильдерді, жасанды интеллект технологияларын және басқа да перспективалы бағыттарды дамытуды жалғастырады, - делінген хабарламада.
Яндекс
Естеріңізге сала кетейік, бұған дейін "Яндекс" компаниясы серверлерді Қазақстанға көшірген болатын.
"Яндекс.Такси" қызметіне пайдаланушылар көптен бері шағымданып келеді. Ауа-райының шамалы өзгеруімен немесе ең жоғары уақытта таксидің құны бірнеше есе қымбаттайды. Такси жүргізушілері компанияның алатын жарнасына да наразы.