17 ақпан күні кешке Алматыда Өзбекстан билігінің сұрауы бойынша ұсталған Қазақстандағы Қарақалпақ диаспорасының жетекшісі Ақылбек Мұратовтың соты өтті, деп хабарлайды Ulysmedia.kz.
Ақылбек Мұратовтың адвокатының айтуынша, отырыс оның қатысуынсыз өткен. Сонымен қатар, белсендінің қорғаушысына бүгінге дейін ештеңе айтылмады. Оның да, құқық қорғаушылардың да соттың адвокатты отырысқа қатысуға неге жібермегені туралы ақпараты жоқ.
Сот Мұратовты 40 тәулікке қамауға алды және 18 ақпанда таңертең оны түрмеге ауыстырды (СИ-18).
Естеріңізге салсақ, 15 ақпанда сағат 21:50-де ішкі істер министрлігінің екі қызметкері Ақылбек Мұратовты үйінен алып кеткен. Кейінірек ол бірге жүрген бойжеткеніне қоңырау шалып, ұсталғанын хабарлаған. Мұратов Алматы ІІД-де. Айтуынша, оны ұстауға қарақалпақстандық Мұхамедин Оразбайұлы Баймұрзаев қатысқан. Белсендіге қылмыстық кодекстің 244-бабы 1-тармағы (қоғамдық қауіпсіздік пен қоғамдық тәртіпке қатер төндіретін материалдарды дайындау, сақтау, тарату немесе көрсету) айып тағылған.