«Антикор» мемлекеттік қызметкерлерді тергеу изоляторы мен сотқа экскурсияға апарады, деп хабарлайды Ulysmedia.kz.
Антикордың мәліметінше, профилактикалық шараға қатысушыларға қылмыскерлерді ұстау камералары мен тұтқындардың серуендеу орындары көрсетіледі. Сондай-ақ сыбайлас жемқорлық істері бойынша сот отырысына да қатыстырылады.
Агенттіктің ресми өкілі Арман Тілеукеновтың айтуынша, мұндай іс-шара түрменің ауыртпалығын сезінуге, олардың салдарымен танысуға мүмкіндік береді.
Ол мұндай экскурсия қорқытып-үркіту шарасы емес екенін атап өтті.