«Қазақстан Ғарыш Сапары» ҰК» АҚ Басқарма төрағасы болып Қайыржан Ерсайынұлы Қожаев тағайындалды, деп хабарлайды Ulysmedia.kz.
Бұл туралы ұлттық компанияның баспасөз қызметі мәлімдеді.
Қайыржан Ерсайынұлы Қожаев 1981 жылы 22 маусымда Қарағанды облысында дүниеге келген.
1997-2002 жылдары О.А. Байқоңыров атындағы Жезқазған университетінің Автомобильдер және автомобиль шаруашылығы мамандығы бойынша түлегі;
2002-2008 жылдары Мәскеу авиациялық институтын "Ұшу аппараттарын сынау" мамандығы бойынша бітірген.
2021-2022 жылдары "Ғарыштық инженерия" мамандығы бойынша Мичиган университетінің магистрі, Энн Арбор қаласы. Қазақстанның ғарыш саласында үлкен еңбек өтілі бар.
Соңғы 5 жыл бойы Ghalam ЖШС Бас директоры – Басқарма төрағасы қызметін атқарды.
Жобаларды басқаруда, ұшу аппараттарының сынақ және өндірістік учаскелерін құруда тәжірибесі бар. Сондай-ақ, шетелдік университеттерде ұшыру кешендері саласында біліктілікті арттыру туралы дипломы бар.
Еске салсақ, бұған дейін «Қазақстан Ғарыш Сапары» журналиспен соттасқалы жатқанын жазған болатынбыз.
Сондай-ақ Қазақстанның ғарыш саласын дамыту үшін Үкімет 2,8 млрд теңге сұраған еді.