Беларусь пен Польша шекарасындағы жағдай шиеленіскен күйі қалып тұр деп хабарлайды Ulysmedia.kz тілшісі.
Әлемдік БАҚ жазуынша, Беларусь тарапынан Польшаға ағылған мигранттар арасынан Еуродақ аумағына өтіп үлгергендер де бар. Алайда Польша тарапының сендіруінше, олардың бәрі ұсталған.
“Біздің шекарамыздың тұтастығы сыналуда”, – дейді поляк премьері Матеуш Моравецкий.
Шекараны 15 мың әскер күзетіп тұрғанымен, мыңдаған мигрант қоршауларды бұзуға әрекет жасауда.
Қос жақ бір-бірін айыптауда. Ресми Минск халықаралық талаптарды орындамай жатыр деп Варшаваны сынаса, Брюссель санкция енгізгенге ерегіскен Лукашенко мигранттарды арандатып, әдейі заң бұзуға итермелеп отыр деп санайды.