Атырау облысындағы балабақшаның бірінде 4 жасар бала септикке батып көз жұмды, деп хабарлайды Ulysmedia.kz.
Қайғылы оқиға Құрсай шағын ауданындағы "Чебурашка” жеке балабақшасында болды. Серуендеу кезінде төрт жасар бала кәріз шұңқырына, яғни, септикке құлаған. Қазіргі уақытта құзыретті органдар барлық мән-жайды анықтап жатыр.
Мәйітті септиктен балабақша қызметкерлері алып шыққан. Атырау облысы полиция департаменті қылмыстық іс қозғалғанын хабарлады.
“Кешенді тергеу амалдары жүргізіліп жатыр. Сот-медициналық сараптамасы тағайындалды”, — делінген хабарламада.