Қазақстан Ауыл шаруашылығы министрлігі Қытай компанияларымен ет экспорты және мал басын жіберу туралы жаңа келісімдер жасады, деп хабарлайды Ulysmedia.kz.
Қытай Қазақстаннан сиыр еті мен мал басын алмақ. Ауыл шаруашылығы министрлігі қытайлық компаниялармен 75 миллион долларлық үш жаңа келісімге қол қойды. Еттің алғашқы партиясы Қытайға маусым айында экспортталды.
Қазақстаннан ҚХР-ға құс шаруашылығы өнімдерін жеткізуге салынған тыйым 20 жылға, ал мал шаруашылығы өнімдеріне шектеулер 2 жылға созылды. Бұған құс тұмауы мен аусыл себеп болған еді.
Тыйым 2023 жылы Тоқаевтың Қытайға сапарынан кейін алынып тасталды. Жыл бойы Қытай тарапы Қазақстандағы құс тұмауы мен аусылға қатысты баға берді.
2024 жылдың шілдесінде ҚХР төрағасы Си Цзиньпиннің сапарынан кейін ірі қара малды экспорттау үшін ветеринарлық талаптарды келісу туралы хаттамаға қол қойылды.
Енді қытайлық компаниялар Қазақстанмен сиыр еті мен мал басын сатып алу бойынша ұзақ мерзімді ынтымақтастыққа бағытталған. Бұл туралы олар Астанада Қазақстан Ауыл шаруашылығы министрі Айдарбек Сапаровпен кездесу кезінде мәлімдеді.