1 қыркүйектен бастап Қазақстанда студенттер, магистранттар мен докторанттарға берілетін шәкіртақы мөлшері өсті, деп хабарлайды Ulysmedia.kz.
Премьер-министр Олжас Бектенов шәкіртақыны өсіру жөніндегі қаулыға шілде айында қол қойған. Құжатта өзгерістер 2024 жылдың 1 қыркүйегінде күшіне енетіні айтылған.
Колледж студенттері үшін стипендия 50% артып, жұмысшы мамандықтары бойынша 43 574 теңгені, орта буын мамандары үшін 41 896 теңгені құрады.
Бакалавриат студенттерінің стипендиясы 20% – 47 135 теңгеге дейін, ал педагогикалық және медициналық бағыттарда оқитындар 75 600 теңгеге дейін ұлғайды.
Интернатурада оқитындарға стипендия 85 376 теңге, ал резидентурада – 123 122 теңге көлемінде төленеді.
Магистранттар мен докторанттарға стипендия 15% - ға ұлғайтылды: тиісінше 107 061 теңге және 240 000 теңге болды.
Айта кетейік, 2025 жылдың 1 қыркүйегінде бакалавриат студенттеріне стипендия 20%, магистранттар мен докторанттарға 15% артқан еді.
Гранттар
Еске сала кетейік, грант иегерлерінің жарияланған тізімі биыл сотқа дейін ұласып жатыр.
Ғылым және жоғары білім министрлігі су тасқынынан зардап шеккендерге гранттардың 20% бөлу туралы шешім қабылдады. "ТЖ-квотаның" пайда болуынан ҰБТ-да 100-ден астам бал жинаған көптеген талапкер грант ала алмады, ал басқалары квотаны пайдалана отырып, әлдеқайда аз бал жинап, тегін оқуға мүмкіндік алды.