Оқиға биыл маусым айында Өскемен қаласында болған, деп хабарлайды Ulysmedia.kz.
Жол-көлік оқиғасы 6 маусымда сағат 17.20-да Қазыбек би даңғылында болған. Реттелмеген жаяу жүргіншілер өткелінде Toyota Carina көлігін басқаратын полиция қызметкері үш жасар қызға жол бермей оны қағып өткен.
Сот отырысында жүргізуші кінәсін мойындады.
Сот-медициналық сараптамаға сәйкес, қыз жеңіл дене жарақатын алған.
ӘҚБтК-нің 610-бабының 2-бөлігінің санкциясы 40 АЕК мөлшерінде айыппұл немесе тоғыз айға дейінгі мерзімге көлік құралын басқару құқығынан айыруды көздейді.
"Әкімшілік жазаның түрі мен мөлшерін айқындау кезінде сот жасалған құқық бұзушылықтың мән-жайларын, жол – көлік оқиғасының салдарын ескеріп, азамат А. - ны тоғыз ай мерзімге көлік құралын басқару құқығынан айыру қажет деп есептеді", - деп хабарлады сотта.
Қаулы заңды күшіне енген жоқ.