Главная Жаңалықтар Дөрекі дәрігер, қате диагноз: Әрбір төртінші қазақстандық медицинаға шағымданған

Дөрекі дәрігер, қате диагноз: Әрбір төртінші қазақстандық медицинаға шағымданған

Ілияс Бақыт

Қоғамдық саясат институтының зерттеуі нәтижесінде медициналық қызметтердің сапасына шағымдану айтарлықтай өскені анықталды, деп хабарлайды Ulysmedia.kz.

Ашық дереккөзден

НЕ ЖАҒДАЙ?

Соңғы 5 жыл ішінде денсаулық сақтау министрлігіне шағымдар саны 60,8%-ға өсіп, 7,7 мыңға жеткен.

Қоғамдық саясат институтының әлеуметтанулық зерттеуіне сәйкес, әрбір төртінші қазақстандық (27,8%) медициналық мекемелерге немесе қызметкерлерге шағымданады (29,1% – қала тұрғындары, 25,5% – ауыл тұрғындары). 

ӨТІНІШТЕРДІҢ НЕГІЗГІ СЕБЕПТЕРІ: 

  • Сапасыз көрсетілген медициналық көмек – 32,5%; 
  • Қабылдауды ұзақ күту / ұзын-сонар кезектер – 22,2%; 
  • Емдеуден негізсіз бас тарту – 16,3%;
  • Медицина қызметкерлері тарапынан дөрекілік – 15,2%;
  • Қате диагноз –12,5%.   

ЖАЛПЫ, САУАЛНАМА НӘТИЖЕЛЕРІ КЕЛЕСІ ТЕНДЕНЦИЯЛАРДЫ КӨРСЕТЕДІ: 

  • Орта және егде жастағы адамдар наразылықты жиі білдіреді;
  • Әйелдер ерлерге қарағанда көбірек шағымданады;
  • Білім деңгейі төмен адамдар арасында шағымдардың жиілігі жоғары;
  • Табысы аз азаматтар шағымдарды жиі айтады;
  • Өтініштер саны отбасындағы балалар санының артуымен өсуде.

ЖАҒДАЙ НАШАРЛАЙ ТҮСКЕН

Сонымен қатар, Stada Health Report 2024 халықаралық зерттеуінің деректері бойынша Қазақстан денсаулық сақтау жүйесіне наразылық деңгейі бойынша 23 елдің арасында екінші орынға ие. Қазақстандықтардың 67%-ы Медициналық қызметке наразылықтарын білдірді. Бір жыл ішінде бұл көрсеткіш 10 пайыздық тармаққа өсті, бұл жағдайдың нашарлағанын көрсетеді.

Вам будет интересно
Трамп пен Маскке наразылар X-тен Bluesky-ге жаппай тіркеліп жатыр
Жамбылдық құтқарушылар 5 адамды өрттен аман алып шықты
Қазақты 30 жыл бойы қасықтап у беріп, ұйықтатып тастады – Ермек Тұрсынов
"Тоқал болғым келеді" – блогер Динара Абдоллақызы
Валюта бағамы: демалыс күндері доллар бағасы қалай өзгерді
Қазақстандық каратэші Елнұр Дауылбай Әлем чемпионы атанды