Өскемен әкімдігі қаланың бұрынғы әкімі Ислам Әбішевке тапсырылған төс белгісін жарамсыз деп тану туралы шешім қабылдады. Шешім екі апта бұрын салтанатты түрде тапсырылғаннан кейін пайда болған әлеуметтік желілердегі қоғамдық резонанс пен сыннан кейін қабылданған, деп хабарлайды Ulysmedia.kz.
МЕДАЛЬДІҢ ТАРИХЫ
Қала күні мен Конституция күні, яғни 2024 жылдың 30 тамызында Өскемен қаласының қазіргі әкімі Жақсылық Омар қаланың белгілі азаматтарына марапат табыс еткен. "Өскемен қаласының дамуына қосқан ерекше үлесі үшін" төсбелгісімен марапатталғандардың қатарында Ислам Әбішев те болды. Сол кезде әкімдік оның басшылығы кезінде қалада болған оң өзгерістерді қаладағы қоғам тарапы еске салғанын түсіндірген.
ҚОҒАМ ПІКІРІ ЕКІГЕ ЖАРЫЛДЫ
Алайда марапат берілгеннен кейін көп ұзамай әлеуметтік желілерде белсенді пікірталас басталды. Пайдаланушылар Ислам Әбішевтің 2020 жылы сыбайлас жемқорлыққа қатысты іс бойынша сотталғанын еске салды. Жағдай қоғамдық наразылық пен сын туғызды. Қалалық комиссия жұртшылықтың пікірін қарастырып, жағдайға түсініктеме бере отырып, марапатты жою туралы шешім қабылдады. Ішкі саясат бөлімінің басшысы Әлібек Тұрсымбетов "Азаттық радиосы" порталына медаль әлеуметтік желілердегі келіспеушіліктер мен теріс пікірлердің салдарынан күшін жойғанын түсіндірген.
БҰРЫНҒЫ ШЕНЕУНІКТІҢ РЕАКЦИЯСЫ
Ислам Әбішевтің өзі журналистерге награданың күші жойылғанынан хабарсыз екенін айтқан. Оның сөзінше, медаль мен куәлік әлі де бар. Ішкі саясат басқармасы сырттай шешім негізінде адам наградадан айырылуы мүмкін екенін атап өткен.
ӘБІШЕВ ЖАЙЛЫ
Ислам Әбішев 2009 жылдан 2012 жылға дейін Өскемен қаласын басқарған. Содан кейін ауыл шаруашылығы министрлігі су ресурстары комитетінің төрағасы қызметін атқарды. 2019 жылы ол сыбайлас жемқорлық ісі бойынша ұсталып, 2020 жылы бес жылға бас бостандығынан айырылды. 2021 жылы Әбішев шартты түрде мерзімінен бұрын босатылды.