Әлеуметтік желіде мұқтаж жандарға баспана сыйлаумен танымал болған “Харекет” қорына қатысты видео тарады, деп хабарлайды Ulysmedia.kz.
ДАУ НЕДЕН БАСТАЛДЫ
Видеода әлдебір әйел 2020 жылы Харакет қоры сыйлады деген үйді көрсетіп, баспананың тозып кеткенін айтады.
Бейнеде Талдықорған маңында тұратын екі мүгедек баласы бар әйелдің үйін көрсетеді. Онда дәретхана мен моншаның талапқа сай еместігі, мүмкіндігі шектеулі жандарға жағдай жасалмағаны айтылады.
“СҰРАҚТАР”
“Харекет” қоры – соңғы уақытта қайырымдылық саласында танымал болған ұйымдардың бірі. Алайда жақында қордың аты дауға ілікті. Әлеуметтік желілер мен бұқаралық ақпарат құралдарында қордың жұмысы туралы түрлі сындар айтылып, қоғамда күмән туғызған жағдайлар орын алды. Көпшілік “Бұл не мазақ?” деп, қордың кейбір әрекеттеріне күмән келтіріп, оның қаржыны дұрыс пайдаланбауы немесе оның ашықтығына қатысты сауалдар қоя бастады.
Әсіресе, жиналған қаражаттың қайырымдылық мақсаттарға толықтай жетіп-жетпейтіні, көмек алушыларға әділ бөлінуі туралы сұрақтар көтерілді.
Қордың ресми парақшаларында бұл жағдайға қатысты әзірге ешқандай түсініктеме берілмеген екен.