Ливандағы пейджерлердің жарылысынан қаза тапқандар саны 12 адамға дейін өсті, олардың арасында екі бала бар. Бұл деректерді Ливанның Денсаулық сақтау министрі Фирасс Абиад жеткізді, деп хабарлайды Ulysmedia.kz..
Зардап шеккендердің саны 2800-ге дейін өсті. Оның 300-нің жағдайы ауыр.
ИЗРАИЛЬГЕ ТАҒЫЛҒАН АЙЫП
Ливан қауіпсіздік қызметінің мәліметінше, жарылыс пейджерлердің жарылуынан болған. Оқиға Израильмен байланысты болды дегенмен Беньямин Нетаньяху Үкіметінен ресми растау болған жоқ. Израиль өзінің елден тыс әскери операциялары туралы түсініктеме бермейді.
ХАЛЫҚАРАЛЫҚ РЕАКЦИЯ
АҚШ Мемлекеттік хатшысы Энтони Блинкен Америка Құрама Штаттарына жарылыстар туралы ескертілмегенін және қазіргі уақытта болған оқиға туралы ақпарат жинап жатқанын айтты. Ресейдің Сыртқы істер министрлігі шабуылды "қасақана" деп сипаттап, оның мақсаты Таяу Шығыста ауқымды қақтығыс тудыруы мүмкін екенін атап өтті.
Иорданияның Сыртқы істер министрі Израильдің әрекеті аймақтағы шиеленісті күшейтіп, бірнеше майданда өршуге ықпал ететінін айтты. Түркия президенті Режеп Тайып Ердоған да Израильдің Газа секторынан тыс қақтығыстарды кеңейту әрекеттеріне алаңдаушылық білдірді.
ИЗРАИЛЬДІҢ БАРЛАУ ОПЕРАЦИЯЛАРЫ
Жарылысты ұйымдастырған Израильдің "Моссад" барлау қызметі болуы мүмкін деген күдік бар.