Владимир Зеленский Украинаның қорғаныс күштеріне жұмсалатын шығысты 495 миллиард гривнаға (12 миллиард долларға жуық) арттыруды көздейтін елдің биылғы мемлекеттік бюджеті туралы заңға өзгерістер енгізу туралы заң жобасына қол қойды, деп хабарлайды Ulysmedia.kz.
Сәрсенбі күні Жоғарғы Рада депутаты Ярослав Железняк Парламент биылғы әскери қажеттіліктер үшін Украина бюджетінің шығысын 12 миллиард долларға ұлғайту туралы заң жобасын қолдағанын айтқан еді.
Рада сайтындағы заң жобасының картасына сәйкес, құжатқа Зеленский сенбі күні қол қойған. Құжатта бюджетті 434 миллиард гривнаға түзету ұсынылған, атап айтқанда: "шығындарды 500 миллиард гривнаға (12 миллиард доллардан астам) ұлғайту және шығыстар мен кредит беруді 65,7 млрд гривнаға (1,5 млрд доллардан астам) қысқарту қарастырылған.
ОҚИ ОТЫРЫҢЫЗ: Украинада шенеуніктерге Telegram желісін пайдалануға тыйым салынды
Наурызда Жоғарғы Раданың Бюджет комитетінің басшысы Роксолана Пидласа Украина өзінің жылдық 87 миллиард долларлық бюджетінің жартысына жуығын қорғаныс саласына бөлгенін, бірақ ішкі кіріс небәрі 46 миллиард долларды құрап отырғанын хабарлаған.
2023 жылдың қараша айының соңында Зеленский 43 миллиард доллар тапшылықпен Украинаның 2024 жылға арналған мемлекеттік бюджеті туралы заңға қол қойды.