Алматыда тұрғын үй кешендерінің бірінің жоғарғы қабаттағы пәтер терезесінен ҰҚК Шекара академиясының курсанты құлап, қаза болды, деп хабарлайды Ulysmedia.kz.
МАРҚҰМ 19 ЖАСТА БОЛҒАН
Қайғылы оқиға 22 қыркүйекке қараған түні Достық даңғылында болды. Болжам бойынша, марқұм 19 жас шамасында.
ПОЛИЦИЯ МӘЛІМДЕМЕСІ
ОҚИ ОТЫРЫҢЫЗ: «Армиядағы өлім қашан тоқтайды, мырзалар?!» әскерде көз жұмған сарбаздар саны жайлы
Аталған факт бойынша Медеу аудандық полиция басқармасы қылмыстық іс қозғады. Оқиғаның себебі мен мән-жайы анықталу үстінде, – деп хабарлады қалалық Полиция департаментінің баспасөз қызметі.
Еске салсақ, бүгін Алматыда ҰҚК Шекара академиясы аумағынан адам сүйектері табылғанын жазған болатынбыз.
Кеше Петропавлда келісім шарт бойынша әскери қызметкер өзіне-өзі қол салған.
Сондай-ақ күні кеше Аягөзде әскери қызметкер суицид жасады.
АРМИЯДАҒЫ ӨЛІМ
Кейінгі жылдары «армияда көз жұмды» деген бір сарбаздың топырағы суымай жатып, екіншісі жан тапсырып жатыр. Бірнеше күн бұрын «Оймаша» полигонында оққа ұшқан әкенің «жалғыз ұлымнан айырылдым» деп шырылдаған үні бүкіл қоғамды тағы дүр сілкіндіріп, осы үрейді үдете түскен. Ал таяуда Қорғаныс министрлігіне қарасты Абай облысы Аягөз ауданында орналасқан 10810 әскери бөлімінде жоғары оқу орнын бітіріп, әскери кафедрадан кейін барған әскери қызметкер көз жұмды.