Жаңа Зеландия Ресей мен Беларусьқа қарсы жаңа санкциялар пакетін енгізді, деп хабарлады Ulysmedia.kz.
САНКЦИЯ СЕБЕБІ
Бұл туралы елдің сыртқы істер министрі Уинстон Петерс мәлімдеді. Оның сөздері Жаңа Зелендия сыртқы істер министрлігінің сайтында жарияланған.
Санкциялардың бұл соңғы раунды Ресейдің Запорожье атом электр станциясын заңсыз басып алуына қатысы барларға, Ресей әскери-өнеркәсіптік кешеніне және басып алуды қолдайтын беларусьиялық жеке тұлғалар мен ұйымдарға бағытталған. Ресейдің Украинаның Запорожье атом электр станциясын заңсыз басып алуы жалғасуда. Жаңа Зеландия тағы да Ресейді Запорожье атом электр станциясын оккупациялауды тоқтатып, Украина аумағынан тез арада кетуге шақырады, - деді Уинстон Петерс.
Бұл жаңа санкциялар бес жеке тұлға мен алты ұйымға бағытталған, деп түсіндірді Сыртқы істер министрлігі.
УКРАИНА СІМ ДАБЫЛЫ
Украиналық барлаудың мәліметінше, Кремль қыс қарсаңында Украинаның ядролық энергетикасының маңызды нысандарына соққы беруге дайындалып жатыр. Атап айтқанда, біз атом энергетикасының қауіпсіз жұмыс істеуі үшін маңызды болып табылатын АЭС-тің ашық тарату құрылғылары мен тарату қосалқы станциялары туралы айтып отырмыз, - деп жазды Украинаның Сыртқы істер министрі Андрей Сибига.
ТЕРРОРЛЫҚ ӘРЕКЕТ
Украина Президенті Әкімшілігінің басшысы Андрей Ермак Батыс елдері Ресейдің террорлық әрекетке дайындалуына қатаң жауап беруі керек деп санайды, өйткені оның айтуынша, Ресей – террористік ел. Ол мұны ядролық апаттың ықтимал сценарийіне дайындық деп атады.