Қайғылы жағдай Талғар қаласында болған, деп хабарлайды ulysmedia.kz.
Алматы облыстық полиция департаментінің мәліметінше, оқиға 26 қараша күні балабақшалардың бірінде болған.
«4 жастағы қыздың өлімі бойынша қылмыстық іс қозғалды. Сот медициналық сараптама барысында баланың тамағынан қатты пластмасс зат табылды. Іс ҚР ҚК 141-бабының 2-бөлігі (Балалардың өмiрi мен денсаулығының қауiпсiздiгiн қамтамасыз ету жөнiндегi мiндеттердi тиісінше орындамау, Абайсызда жас баланың өліміне әкеп соғу ) бойынша жүріп жатыр»,- делінген хабарламада.