2024 жылғы 26 қыркүйек күні Женевада беделді халықаралық рейтингтің нәтижелерін жарияланды. Жыл сайын өтетін бұл іс-шара биыл 17-ші рет ұйымдастырылып отыр. Қазақстан Global Innovation Index-2024 рейтингінде Орталық және Оңтүстік Азия елдері көшбасшыларының үштігіне енді, деп хабарлайды Ulysmedia.kz.
РЕЙТИНГ НЕНІ БАҒАЛАЙДЫ
2007 жылдан бастап Global Innovation Index (WIPO) 133 елдің көрсеткіштерін 80 бағыт бойынша бағалап келеді. Бұл жерде экономика мен өндірістің өсуіне инновациялардың ықпалын қарастырады. Рейтинг осы саладағы жаңа стратегияларды әзірлеу үшін маңызды индикатор ретінде қызмет етеді. Рейтингте жоғары көрсеткішке ие болу іске асырылып жатқан мемлекеттік реформалардың халықаралық деңгейде бағаланғанын көрсетеді. Сондай-ақ әлемдік аренадағы беделді жақсартуға және Қазақстанға тікелей инвестициялар тартуға ықпал етеді.
ҚАЗАҚСТАН ҚАЙ ОРЫНДА
Қазақстан өсім көрсетіп, жаһандық рейтингте 81-орыннан 78-орынға көтеріліп, Үндістан мен Ираннан кейін Орталық және Оңтүстік Азия көшбасшылар үштігіне енді. «Мемлекеттік басқарудың тиімділігі», «Заңның үстемдігі», «Оқу, математика және жаратылыстану ғылымдары бойынша PISA шкаласы», «Нарықтың дамуы», «Бизнесті жүргізу», «Тікелей инвестициялардың таза ағыны, ІЖӨ %» көрсеткіштері бойынша ілгерілеу байқалады.
Рейтинг редакторлары Қазақстанның мына индикаторлармен әлемнің үздік 30 еліне кіргенін ерекше атап өтті:
Global Innovation Index-те Қазақстанның рейтингін арттыруға Қазақстан Республикасы Президентінің ғылым және инновациялар мәселелері жөніндегі кеңесшісі К.Д. Закарияның басшылығымен мүдделі мемлекеттік органдар санынан Қазақстан Республикасы Президенті Әкімшілігі жанындағы Жобалау офисінің жұмысы ықпал етті.
2024 жылғы 4 қазан күні Дүниежүзілік зияткерлік меншік ұйымының (WIPO) қолдауымен Қазақстан Республикасында алғаш рет Азия елдері үшін Global Innovation Index 2024 есебін жариялаудың өңірлік рәсімі өтеді.
Іс-шараға Азия елдерінің инновация министрлері мен патенттік ведомстволарының басшылары, сондай-ақ дипломатиялық корпустың, халықаралық ұйымдардың және мүдделі үкіметтік емес ұйымдардың өкілдері қатысады.
UN WIPO ТУРАЛЫ
Дүниежүзілік зияткерлік меншік ұйымы (UN WIPO) – Біріккен Ұлттар Ұйымының 15 мамандандырылған мекемесінің бірі, оның қызметі шығармашылық қызметті ынталандыруға және зияткерлік меншікті (IP) халықаралық қорғауға ықпал етуге бағытталған. WIPO тауар белгілері мен патенттерді халықаралық тіркеуді жеңілдетеді.
Жаһандық инновациялық индекс – инновациялардың елдердің дамуына әсерін анықтау бойынша әлем елдерінің ауқымды экономикалық зерттеуі. Халықаралық рейтинг 2007 жылдан бері 80 түрлі көрсеткіш бойынша әлемнің 133 елін бағалайды. Бұл индекстің өсуінің маңыздылығы оны Қытай, Сингапур, БАӘ, Түркия және т.б. елдердің үкіметтік стратегияларына енгізу арқылы анықталады.