Израиль СІМ басшысы Исраэль Катц БҰҰ Бас хатшысы Антонио Гутерришті персона нон грата деп жариялады, деп хабарлады Ulysmedia.kz.
КАТЦ ЖАЗБАСЫ
Ол Иранның Израильге зымыран соққысын сөзсіз айыптай алмағанын түсіндірді.
Гуттеришке елге кіруге тыйым салынады, деп жазды Катц Х әлеуметтік желісінде.
Иранның Израильге жасаған жиренішті шабуылын біржақты айыптай алмайтын кез келген адам, әлемнің кез келген елінен айырмашылығы, Израиль жеріне кіруге лайық емес, – деп жалғастырды ол.
Сондай-ақ Катц Гутерришті 2023 жылдың 7 қазанында ХАМАС қозғалысының Израильге жасаған шабуылын әлі айыптамады деп айыптап, ХАМАС-ты террористік ұйым деп жариялауға әрекет жасамады деп сөкті.
Өткен сейсенбіде Ислам революциясының қамқоршылар корпусы Израиль бойынша көптеген зымырандарды ұшырды. Израиль әскерилері бұл атысқа қажет деп санаған кезде жауап беретіндерін айтты..
Сондай-ақ Израиль премьер-министрі Биньямин Нетаньяху Иранның Израиль аумағына жасаған соққысын "үлкен қате" деп бағалап, Тегеран осы әрекеті үшін жауап беретінін мәлім етті.
НЕТАНЬЯХУ НЕ ДЕДІ
"Иран тағы да Израильді жүздеген зымыранмен атқылады. Бұл шабуыл сәтсіздікке ұшырады. Оған Израиль әуе күштеріне қарсы әскері тойтарыс берді. Иран үлкен қателік жасады, енді осы үшін жауап береді. Иран режимі біздің өзімізді қорғауға деген, жауларымызға жауап беруге келгендегі тегеурінімізді түсінбей отыр” деді Нетаньяху.
Ол Израиль тек бір ережені – “бізге кім шабуылдаса да, өзіне шабуылдаймыз” дегенді ұстанатынын атап өтті.
The Wall Street Journal сенімді дереккөздерге сүйеніп, Израиль Иранға өзінің аумағына жасалған кез келген шабуылға, тікелей ядро және мұнай нысандарына соққы жасау арқылы жауап беруге ниетті екенін ұқтыратын ескерту жасағанын жазды.
ИРАН ШАБУЫЛЫ
Кеше Израиль Иран тарапының жаппай зымыран шабуылына ұшыраған. The Jerusalem Post дерегінше, Израиль аумағына 200 замыран ұшырылған. Израиль әскері ЦАХАЛ олардың басым бөлігін қағып түсіргенін айтты. Кей зымырандар ашық жерлерге құлаған. Бір адам қаза тапқаны хабарланды. Ол палестиналық жұмысшы болып шықты.
ДАУ ҚАЙДАН ШЫҚТЫ
Иран алғаш рет тікелей 2024 жылы сәуір айында өзінің территориясынан Израильге шабуыл жасады. Сол кезеңде Израильге 300-ден астам дрон мен зымыран жіберді, олардың 99%-ы қағып түсірілді. Сәуірдегі шабуылға «Хезболла» қозғалысы да қатысты, ол Голан таулы аймақтарына соққы жасады.
Шабуылдың себептері 1 сәуірде Дамаск қаласындағы Иран консулдығына жасалған шабуыл делінеді. Осының салдарынан Ислам революциясының сақшылар корпусы (КСИР) құрамында жеті адам, оның ішінде «Құдс» арнайы бөлімшесінің командирі генерал Мохаммад Реза Захеди мен генерал Мохаммад Хади Хаджи Рахими қаза тапты.
КЕК АЛУ АКЦИЯСЫ
Тегеран бұл шабуылды Израильдің әрекеті деп атап, бұрын-соңды болмаған кек алу акциясын жариялады