Бүгін еліміздің 9 қаласында ауа сапасы нашарлайды, деп хабарлайды Ulysmedia.kz.
«Қазгидромет» РМК мәліметінше, 17 қазанда Петропавл, Павлодар, Қарағанды, Жезқазған, Теміртау, Өскемен, Ақтөбе, Астана қалаларында және түнде Атырауда ауаның ластануының қолайсыз метеорологиялық жағдайлары күтіледі.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.