Поляр мұздықтарының еруі немесе Амазонияның саваннаға айналуы сияқты климаттық апаттардың қаупі артып келеді. The Guardian мәліметіне сәйкес, жер шары температурасының өнеркәсіпке дейінгі кезеңмен салыстырғанда 1,5°C-тан артық көтерілмеуін қамтамасыз етуге бағытталған халықаралық мақсатқа жету мүмкіндігі азайып барады, деп хабарлайды Ulysmedia.kz
ЕҢ ЫСТЫҚ ЖЫЛ
Жер шарының температурасын бақылайтын үш ірі ғылыми топтың болжамы бойынша, 2024 жыл ең ыстық жылдардың бірі болады. Бұл температура өнеркәсіпке дейінгі кезеңнен 1,5°C-қа жоғары және соңғы жылы тіркелген рекордтық көрсеткіштен асады.
2024 соңғы 10 жыл тарихтағы ең ыстық кезең болып саналады әрі әр жыл алдыңғы жылмен салыстырғанда ыстық болып жатыр.
1,5°C-ТЫҢ ӘСЕРІ
Климатологтар 1,5°C деңгейінен бір жылға асу Париж келісімінде бекітілген міндеттемелерді бұзбайтынын және дереу климаттық апаттарға әкелмейтінін атап өтеді. Алайда бұл ұзақ мерзімді тұрақтылықты сақтау үшін үлкен қауіп төндіреді.
Климаттық зерттеулер жетекшісі Зик Хаусфатердің айтуынша, 1,5°C мақсатынан асу мәселесі енді шындыққа айналды.
“Біз нақты әрекеттерді тым кеш қолға алдық, сондықтан жағдайдың жақсаруы екіталай” дейді ол.
Тіпті барлық елдер көмірқышқыл газын шығару міндеттемелерін орындаса да, температура 2,7°C-қа дейін көтерілуі мүмкін. Бұл апатты әсерлерді – аптап ыстық, су тасқындары және аштық қаупін тудырады.
ҮМІТ ПЕН АЛАҢДАУШЫЛЫҚ
Таза энергетика технологияларының дамуы мен мұнай өндіру көлемінің қысқаруы жылыну қарқынын баяулату үшін аз да болса үміт береді. Алайда тіпті кішкентай температуралық өзгерістердің салдары үлкен болуы мүмкін. Поляр мұздықтарының еруі және Амазонияның саваннаға айналуы сияқты апаттардың қатері артып келеді.
Ұлыбритания метеорологиялық басқармасының өкілі Грахам Мэдж 1,5°C құлдыраудың соңы емес, бірақ әр градус адамзатты климаттық өзгерістердің қайтымсыз әсеріне жақындатады деген пікірде.