Бесінші сыныпқа арналған орыс тілі мен әдебиеті кітабындағы шығарма желіде дау тудырды, деп хабарлайды Ulysmedia.kz.
Кітаптағы түсініксіз жайт туралы Facebook қолданушысы жазды.
– Орыс тілі мен әдебиеті оқулығы. 5 сынып. Авторы Жанпеисова У.А. 2-бөлім, 16-бет. Қазақ халық ертегісін оқиық! Бізде Жошы емес Хусаин деген хан болыпты, оған баласының қазасын жеткізген Кетбұға емес, Али деген күйші болыпты-мыс. Қалай бұл?, дейді ол.
Жазбаға желі қолданушылары түрлі пікір жазған.
- Әлиі несі? Ол кім тағы? Мынау арабизация емес пе?!
- Кеше ғана осыны оқып, мен де шок болдым!
- Бәріміз бөлісейік, қоғам болып талқылайық, дейді желі қолданушылары.
Ulysmedia.kz тілшісі мұның мән-жайын білу мақсатында Оқу-ағарту министрлігіне сұрау салды. Министрлік өкілдері жауап беруге уәде етті.