Қостанайдағы Әулиекөл көлінде су деңгейі көтерілді, деп хабарлайды Ulysmedia.kz.
Бұл туралы жергілікті тұрғын әлеуметтік желіде жария етті.
- 4 ақпан, Әулиекөл ауылы, бір жерден су келіп жатыр. Арғы жақта трактор тазалаумен айналысып жатыр. Көктемде мұндай су келмеген, дейді видео авторы.
ӘКІМДІК НЕ ДЕЙДІ
Бұл видеоға қатысты Әулиекөл ауылының әкімдігі пікір білдірді. Әкімдіктегілер ауа райына байланысты “Комсомольское” көліндегі су деңгейі көтерілгенін растады.
- Алайда алаңдауға еш себеп жоқ. Жағдай жергілікті атқарушы органдардың бақылауында, дейді әкімдіктегілер.
Қандай да бір зардаптардың алдын алу мақсатында 1 Мамыр көшесінен Торғай көшесіне дейінгі учаскеде жыра төсеніштерін қамыс қопасынан тазарту бойынша іс-шаралар жүргізілген.
- Бұл жұмыстарға мамандандырылған техниканың төрт бірлігі тартылды: екі жүк аударғыш құрал және екі тиегіш, делінген жауапта.
Ауыл әкімдігі қазіргі уақытта тұрғындардың өміріне қауіп төніп тұрған жоқ деп және үй маңындағы аумақтарды су басу қаупі жоқ деп сендірді.
- Жағдай жергілікті биліктің ерекше бақылауында және қажет болған жағдайда қосымша шаралар қабылданады, делінген әкімдік жауабында.