Министрлік бұқаралық ақпарат құралдарына жалған ақпарат таратпауды өтінді, деп хабарлайды Ulysmedia.kz.
Депутаттардың сұраулары немесе ұсыныстары, соның ішінде білім беру мәселелері бойынша айтқандары заңды норма саналмайды. Шешімдердің автоматты түрде қабылданғанын білдірмейді. Өкінішке қарай, екі ақпараттық порталда бұл туралы жалған сипатта материалдар жарияланды. Мысалы: «Қазақстан мектептерінде жаңа пәндер пайда болады» деген тақырыппен шықты. Алайда министрлік жақында ғана мектеп бағдарламасына жаңа пәндерді енгізу жоспарланбағаны туралы ресми түсініктеме берді, – деп хабарлады министрліктің баспасөз хатшысы.
Бұған дейін елдің орта білім беру ұйымдарында педагог-кәсіптік бағдар беруші лауазымы ресми түрде бекітілген еді. Бұл бастама оқушыларға мамандық таңдауда ерте бағыт-бағдар беруге, сондай-ақ оқушылар, ата-аналар, педагогтер, колледждер мен жұмыс берушілер арасындағы өзара байланыс пен ынтымақтастықтың тиімділігін арттыруға бағытталған.