COVID-19 індеті біртіндеп адамның санасынан өше бастаса да, жаңа инфекцияның қауіпі еш азайған жоқ. Керісінше, алдағы күндерде күтпеген жерден шындыққа айналуы мүмкін, деп хабарлайды Ulysmedia.kz.
ЖАҺАНДЫҚ ҚАУІП: КЕЛЕСІ ПАНДЕМИЯ ТУРАЛЫ ДДСҰ-НЫҢ ЕСКЕРТУІ
Тедрос Гебрейесус адамзат жақында болған коронавирусқа қарсы күрес сабақтарын тез ұмытуға бейім екеніне алаңдаушылық білдірді. COVID-19 пандемиясының ауыр салдарына қарамастан, көптеген елдер қайтадан денсаулық сақтау мәселелерін екінші орынға қалдырып жатыр.
ДДСҰ басшысы келесі пандемияның нақты уақытын болжау мүмкін емес екенін атап өтті. Бұл бірнеше онжылдықтардан кейін де, тіпті ертең де орын алуы мүмкін.
БІРІГУ- ҚАУІПСІЗДІК КІЛТІ
Гебрейесус әрбір елдің пандемияға қарсы күресте шұғыл және үйлесімді әрекет етудің маңыздылығын ерекше атап өтті. Ол халықаралық қауымдастықты ДДСҰ ұсынған Пандемия туралы келісімге белсенді қатысуға шақырды.
Ресейде вирустың белгісіз түрі өршіп, науқас адамдар жөтелгенде қан түкіріп жатқанын хабарлаған едік.
Ақпарат көзінің мәліметінше, ауру белгілері барлық адамда бірдей: бастапқыда әлсіздік пайда болып, денеде сырқырайды, бірақ бірнеше күннен кейін вирус күшейіп, науқас төсек тартып қалуы мүмкін. Дене қызуы 39 градусқа дейін көтеріліп, қатты жөтел қысады. Ұзақ жөтелден соң қан аралас қақырық шыға бастайды. Науқастар апталап антибиотик қабылдаса да жөтел басылмай қойғанын айтады.