Қаржылық мониторинг агенттігі Алматыда алты микроқаржы ұйымының заңсыз қызметін әшкереледі, деп хабарлайды Ulysmedia.kz.
Қаржы нарығын реттеу және дамыту агенттігінің шешімімен екі компания микроқаржылық қызметті жүзеге асыру лицензиясынан айырылды, сондай-ақ тағы төрт аффилирленген МҚҰ-ға қатысты тексеру жүргізіліп жатыр.
ІСТІҢ МӘН-ЖАЙЫ
Белгілі болғандай, алты МҚҰ бір құрылым ретінде жұмыс атқарған, олар бір кеңсені пайдаланып, онда 200-ден астам қызметкер жұмыс істеген, ал олардың қызметі шетелдік азаматтардың бақылауында болған.
Сот қарыз алушылардың 130 кепілдік шартын жарамсыз деп тану туралы талаптарын қанағаттандырды, осылайша азаматтар міндеттемелерден босатылды, ал МҚҰ алынған қаражатты қайтаруға міндеттелді.
ОПЫҚ ЖЕП ҚАЛҒАНДАР
Олардың әрекеттерінің салдарынан 327 мыңнан астам адам зардап шекті, келтірілген залал – 30 миллиард теңге.
Агенттіктің бастамасымен Алматы прокуратурасы 327 мың азаматтың мүддесі үшін сотқа арыз түсірді.
Тергеу жалғаcып жатыр.
БҰҒАН ДЕЙІН
Еске салайық, бұған дейін Қаржы нарығын реттеу және дамыту агенттігі Қарағанды қаласындағы өңірлік өкілдер басқармасы бастығының бұйрығына сәйкес, "FinansInvest” микроқаржы ұйымы микроқаржылық қызметті жүзеге асыруға берілген лицензиясынан айырылғанын хабарлаған еді. Уәкілетті органның жазбаша нұсқама шығарып, осындай шешім қабылдаған.