Украина қарулы күштерінің бас штабы Ресей әскерінің украин позицияларына зымыранмен және әуеден соққы жасағанын мәлімдеді, деп хабарлайды Ulysmedia.kz.
ТОЛЫҒЫРАҚ
9 мамыр күні таңертең Украина қарулы күштері соңғы тәулікте 193 әскери қақтығыс тіркелгенін жария етті, деп жазады BBC.
РЕСМИ МӘЛІМДЕМЕ
- Жау украин бөлімшелері мен елді мекендерге бір зымырандық және 18 авиациялық шабуыл жасады, бір зымыран қолданып, 32 басқарылатын әуе бомбасын тастады. Сонымен қатар, шамамен 4000 оқ ату жағдайы тіркелді, оның ішінде 67-сі — реактивті залпты от жүйелерінен, сондай-ақ 2659 дрон-камикадзе қолданылған, — делінген Украина қарулы күштерінің хабарламасында.
РЕСЕЙ НЕ ДЕЙДІ
Ресей қорғаныс министрлігі де бұған дейін Украина қарулы күштерін белсенді соғыс әрекеттеріне және шабуылдарға барды деп айыптаған.
ПУТИН НЕ ДЕП ЕДІ
Бұған дейін Ресей президенті Владимир Путин Жеңістің 80 жылдығына байланысты уақытша бітім жариялаған болатын. Оның айтуынша, атысты тоқтату 7 мамырдан 8 мамырға қараған түні сағат 00:00-де басталып, 10 мамырдан 11 мамырға қараған түні сағат 00:00-де аяқталуы тиіс.
Путин Киевті де осындай қадам жасауға шақырды. Алайда, ол егер бітім бұзылатын болса, Ресей "тиісті әрі тиімді жауап қайтаратынын" ескертті.