Елдің оңтүстігінде ауа температурасы 42 градусқа дейін көтеріледі, деп хабарлайды Ulysmedia.kz.
Бейсенбі, 15 мамырда, Ираннан келетін жылы ауа массасының әсерінен Қазақстан аумағының басым бөлігінде жауын-шашынсыз ыстық ауа райы сақталады. Тек шығыс өңірлерде, солтүстік пен батыстың кей жерлерінде аздаған жауын жауады.
Солтүстікте ауа температурасы тәулік бойы +13…+30 °С болады.
Орталықта термометр бағандары +16…+37 °С-қа дейін көтеріледі.
Оңтүстікте температура +15…+42 °С шамасында сақталады.
Шығыста +14…+27 °С аралығында құбылады.
Батыста ауа температурасы +10…+25 °С деңгейінде болады.