АҚШ президенті Дональд Трамп атом сүңгуір қайықтарының Ресейге қарай жылжығанын растады, деп хабарлайды Ulysmedia.kz.
МӘН-ЖАЙ
Дональд Трамп «атом сүңгуір қайықтары тиісті аймаққа барды» деп мәлімдеді. Бірақ нақты қай аймақ екенін айтпады.
АҚШ атом сүңгуір қайықтарының қай жерде орналасқаны құпия ақпарат болып саналады.
КОНТЕКСТ
Бұған дейін Дональд Трамп екі атом сүңгуір қайығын Ресейге жақын аймаққа жіберуге бұйрық берген. Ол бұл жөнінде өзінің Truth Social желісінде мәлімдеген. Трамп өзінің бұл шешімін Ресейдің бұрынғы президенті, қазіргі қауіпсіздік кеңесі төрағасының орынбасары Дмитрий Медведеевтің мәлімдемесімен байланыстырған. Медведеев қақтығыс болатынын айтып, бірнеше рет мәлімдеме жасаған.