Қасым-Жомарт Тоқаев Франция президентімен телефон арқылы сөйлесті, деп хабарлайды Ulysmedia.kz.
МӘН-ЖАЙ
Француз тарапының бастамасымен Қасым-Жомарт Тоқаев Франция президенті Эмманюэль Макронмен телефон арқылы сөйлесті.
– Мемлекеттер басшылары екіжақты қарым-қатынастың қарқынды өрбіп келе жатқанын атап өтіп, сауда-экономикалық ынтымақтастықты одан әрі дамыту үшін бірлесе жұмыс істеуге уағдаласты, – деп хабарлады Ақорданың баспасөз қызметі.
Сондай-ақ президенттер Біріккен Ұлттар Ұйымының 80 жылдығы қарсаңында халықаралық күн тәртібі жөнінде пікір алмасты.
Еске салайық, бұған дейін Иордания Королі II Абдалла Қазақстанға ресми сапармен келетінін хабарлаған едік.