Қазақстан әлемдегі ең қауіпсіз елдердің қатарына кірді, деп хабарлайды Ulysmedia.kz.
ТОЛЫҒЫРАҚ
Global Terrorism Index-тің жаңа рейтингінде Қазақстан террор қатері бойынша нөлдік көрсеткіш алып, 100-орынға ие болды. Бұл баяндаманы жыл сайын Аустралияның Экономика және бейбітшілік институты жариялайды.
Шын мәнінде, бұл Қазақстандағы жағдай АҚШ, Канада, Ұлыбритания, Франция, Германия және Испания сияқты бірқатар батыс елдеріне қарағанда анағұрлым тыныш бағаланатынын білдіреді. Сондай-ақ тізімде Қазақстаннан төмен орындарда Ресей, Қытай, Өзбекстан, Тәжікстан, Әзербайжан, БАӘ және Түркия тұр.
Сонымен қатар, аналитиктер әлемдік жағдайдың алаңдатарлық динамикасын атап өтеді: терактілер тіркелетін елдердің саны 58-ден 66-ға өскен, ал Батыстағы шабуылдар бірден 63%-ға артқан. Ұзақ үзілістен кейін Швеция, Аустралия, Финляндия, Дания, Нидерланды және Швейцарияда да қайта шабуылдар болған.
КОНТЕКСТ
Қазақстандағы соңғы теракт 2016 жылы тіркелген. Ол кезде ел рейтингте 67-орында тұрған. Сол уақыттан бері билік экстремизмнің алдын алу шараларын күшейтті: 2017 жылдан 2025 жылға дейін күштік құрылымдар шамамен 40 теракті жасаудың алдын алған, оның ішінде биылғы екі жағдай да бар.