Оңтүстік-Шығыс Азиядағы су тасқыны 320-дан астам адамның өмірін қиды. Ең көп зардап шеккен елдер – Индонезия, Малайзия және Тайланд. Бұл өңірлерде нөсерлі жауын мен циклон бір аптаға жуық созылды, деп хабарлайды Ulysmedia.kz.
ТОЛЫҒЫРАҚ
Reuters агенттігінің хабарлауынша, су біртіндеп қайтып жатыр. Құтқарушылар жоғалғандарды іздеп, электр қуаты мен байланыс желілерін қалпына келтіріп, шалғай аймақтарға гуманитарлық көмек жеткізуді жалғастырып жатыр. Индонезияның Сулавеси аралында 174 адамның қаза тапқаны расталды, ондаған тұрғын әлі із-түссіз жоғалғандар қатарында.
Тайландта табиғи апат 145 адамның өмірін қиған. Елдің оңтүстігіндегі 3,5 миллионнан астам тұрғын зардап шекті. Малайзияда да дауыл салдарынан қиындықтар бар, бір бөлігі эвакуациялық орталықтарда қалып отыр.
ҚАЗАҚСТАНДЫҚ ТУРИСТЕР
«Туристік Қамқор» қорының мәліметінше, қазақстандық туристерге төнген қауіп жоқ. Қазіргі таңда Вьетнамда 4 мыңнан астам қазақстандық демалып жүр. Олардың бәрі су басқан аймақтардан алыс, қауіпсіз курорттық өңірлерде жүр. Ешқандай көмек сұраған өтініш түспеген.
Тайландта 2,5 мыңнан астам қазақстандық турист бар. Көбінесе олар Бангкок пен Пхукетте демалып жатыр. Қазіргі кезде туристік аудандарда жағдай тұрақты: су басу оқиғалары тіркелмеген, жағажайлар мен инфрақұрылым қалыпты жұмыс істеп тұр, ауа райы да жайлы. Әуежайлар штаттық режимде қызмет көрсетіп, қазақстандықтар демалысын жалғастырып жатыр.