Экономист Айдархан Құсайынов алда елді өте күрделі кезең күтіп тұрғанын айтты. Оның сөзінше, 2025 жылдың қорытындысы бойынша халықтың табысы төмендей бастайды, ал 2026 жылы жағдай одан әрі күрделене түседі – жалақылар индекстелмейді және өспейді, деп хабарлайды Ulysmedia.kz.
ТОЛЫҒЫРАҚ
Ол болашақ инвестициялар туралы айтылған сөздер нақты жобалармен расталмайды деп санайды. Оның болжамы бойынша, 2026 жылдың бірінші жартысынан-ақ салық түсімдерінде елеулі мәселелер байқалады. Бюджетке жетпей қалу да, салық органдарымен жаппай қақтығыстар салдарынан әлеуметтік шиеленіс артуы да мүмкін. Бұл пікірін ол «Ошакбаев Live» бағдарламасында бөлісті.
Сонымен қатар, сарапшының айтуынша, салықтар өсіп жатыр, тұтынушылық несиелеуге шектеу қойылуда, ал халық табысы артпайды. Бұл тұтынуды тежейді және экономикалық өсімді іс жүзінде тоқтатады. Құсайынов теңгенің әрі қарай құнсыздануын да болжап отыр. Импорт өсіп келеді, ал экономиканы ынталандыруға бағытталған кезекті әрекеттер оның пікірінше, шетелдік тауарларға тәуелділікті күшейтеді. Ол елдің электоралды кезеңге елеулі экономикалық мәселелер жүгінің өзімен кіріп отырғанын атап өтті. Оның сөзінше, экономикалық модельдің дағдарысы 2026–2027 жылдары толық айқын болады.
НЕ ІСТЕУ КЕРЕК
Экономист адамдарға қазірден бастап шығынын өзгертіп, артық ақша жинай бастауы қажет деп санайды.