Қазақстан Республикасының Премьер-Министрінің орынбасары, Жасанды интеллект және цифрлық даму министрі Жаслан Мадиев электронды үкімет порталының жаңа нұсқасы дайын екенін мәлімдеді, деп хабарлайды Ulysmedia.kz.
ЖАҢА ЖҮЙЕНІҢ ЕРЕКШЕЛІГІ
Жаңартылған eGov танымал ChatGPT чат-ботының қағидаты бойынша жұмыс істейді. Азаматтарға енді қажетті бөлімді іздеп, бірнеше бланкті толтырып, анықтамаларды қолмен жүктеудің қажеті жоқ. Жай ғана чатқа сұрау жазса жеткілікті — жасанды интеллект тапсырманы өзі түсініп, деректерді жинап, дайын қызметті ұсынады.
МИНИСТРДІҢ МӘЛІМДЕМЕСІ
«Электронды үкіметтің келесі деңгейі — азаматтар жасанды интеллектпен сөйлесу арқылы толыққанды қызмет алуы. Бұл end-to-end шешім деп аталады. Бүгінде өнім дайын» деді Жаслан Мадиев.
ІСКЕ ҚОСУ МЕРЗІМІ
Министрдің айтуынша, сынақ алдағы апталарда басталады. Ал халық үшін толық іске қосу 2026 жылға жоспарланған.