Астанада Ақнәр Гүлістанның анасын полиция алып әкетті

ТОЛЫҒЫРАҚ

Бұл туралы адвокат Инга Иманбай хабарлады. 

- Қайтыс болған жастардың аналары — Сана Мерланның, Ақанова Әделдің және Ақнар Гүлстанның аналары — Президент Әкімшілігінің кеңсесі (канцеляриясы) ғимаратының алдында полиция қызметкерлері тарапынан ұсталды, – дейді адвокат. 

Оның сөзінше, аналар Қасым-Жомарт Тоқаевтың атына ұжымдық өтініш тапсыру үшін барған. Өтініштің мақсаты — балаларының өліміне қатысты қылмыстық істердің объективті, тәуелсіз және толық тергелуін талап ету болған. 

- Алайда олар ғимаратқа кіріп үлгермеген. Өтініш қабылданбаған. Аналарды полиция белгісіз бағытқа алып кеткен, – дейді адвокат.

Қазіргі уақытта:

• олардың нақты қай полиция бөлімінде екені белгісіз;
• ұстаудың құқықтық негіздері ресми түсіндірілмеген;
• адвокаттармен және жақындарымен байланысқа шығуына мүмкіндік берілген-берілмегені анық емес.

Инга Иманбайдың сөзінше, бұл қарсылық акциясы емес. Бұл — азаматтардың Президентке тікелей жүгіну жөніндегі конституциялық
құқығын жүзеге асыру әрекеті.

- Осы жағдай аналардың заңды құқықтарын шектеу, қысым көрсету және әділ тергеуге кедергі келтіру белгілерін туындатады, – дейді Инга Иманбай.

БҰҒАН ДЕЙІН

Еске салайық, бұған дейін Ақнәрдің анасы президенттен тағы көмек сұраған болатын. 

СҰҚБАТ

Ақнәрдің анасы Гүлістан Хамит Ұлысмедиаға арнайы сұқбат берген болатын.