Қазақстанда қолайсыз ауа райы жағдайында қашықтан оқыту процесін ұйымдастыру Білім беру министрлігі бекіткен арнайы ережелермен реттеледі. Құжатқа сәйкес, ел бойынша бірыңғай параметрлер жоқ. Әр өңір өзіне тән географиялық, климаттық ерекшеліктерді және оқушылардың жас ерекшеліктерін ескере отырып, жеке көрсеткіштерді бекітеді. Әдетте бұл параметрлер білім беру басқармаларының ресми парақшаларында жарияланады, деп хабарлайды Ulysmedia.kz.
ХАБАРЛАНДЫРУ ТӘРТІБІ
Қолайсыз ауа райына байланысты қашықтан оқытуға көшу туралы ақпарат мына арналар арқылы жеткізіледі:
Хабарландыру уақыты:
МҰҒАЛІМДЕР МЕН ҚЫЗМЕТКЕРЛЕРДІҢ ЖҰМЫСЫ
Қашықтан оқыту күндері мұғалімдер бекітілген оқу жүктемесіне және сабақ кестесіне сәйкес жұмыс істейді. Басқа қызметкерлер өздерінің жұмыс уақыты мен ауысымдық графигіне сай қызмет атқарады.
МЕКТЕПКЕ КЕЛГЕН ОҚУШЫЛАРҒА ҚЫЗМЕТ
Қашықтан оқыту күні мектепке келген оқушылар үшін барлық сабақ түрлері (негізгі, қосымша, үйірмелер, ұзартылған күн топтары) толық көлемде өткізіледі. Сондай-ақ ыстық тамақпен қамтамасыз ету де бекітілген кестеге сәйкес жүзеге асырылады.
ОҚУ ҮРДІСІНІҢ ҚАМТЫЛУЫ
Оқушылар оқу бағдарламасын толық меңгеруі үшін мұғалімдер түрлі қашықтан оқыту әдістерін қолданады. Мысалы, Zoom платформасы арқылы онлайн сабақтар, сондай-ақ оқушылардың өздігінен орындайтын тапсырмалары. Мұғалімдер мен сынып жетекшілері бұл ақпаратты оқушыларға және олардың ата-аналарына жеткізуге міндетті.
ЕСЕП ЖҮРГІЗУ ЖӘНЕ БАҚЫЛАУ
Орта білім беру ұйымдарында қашықтан оқыту кезінде сабаққа қосылған оқушылардың есебі қатаң жүргізіледі. Оқушылар саны туралы ақпарат білім беру ұйымының басшысына жеткізіледі. Ата-аналарға балалардың оқу нәтижелері, қашықтан оқыту формалары және өздігінен жұмыс істеу жағдайлары туралы мәлімет беріледі.
ҚОСЫЛА АЛМАҒАН ОҚУШЫЛАР
Егер бала қашықтан сабаққа қосыла алмаса, ол тапсырмаларды өздігінен орындап, нәтижесін мұғалімге жібереді.