Синоптиктер 13 ақпанда ауа райы қандай болатынын айтты, деп хабарлайды Ulysmedia.kz.
ТОЛЫҒЫРАҚ
Қазақстан аумағының басым бөлігінде солтүстік-батыс антициклон сілемінің әсерінен ауа райы жауын-шашынсыз болады. Тек республиканың оңтүстігі мен оңтүстік-шығысында атмосфералық фронттардың өтуіне байланысты жаңбыр мен қар түріндегі жауын-шашын, кей жерлерде қатты жауын-шашын болжанады.
Республика бойынша желдің күшеюі, тұман күтіледі, ал оңтүстік пен оңтүстік-шығысында көктайғақ, жаяу бұрқасын болжанады.
ТЕМПЕРАТУРА
Температуралық фонда біртіндеп жылыну күтіледі:
Батысында түнде 15–25° аяздан 2–12° аязға дейін, күндіз 5–15° аяздан 5° аяз – 5° жылуға дейін.
Солтүстігінде, солтүстік-батысында түнде 20–31° аяздан 15–25° аязға дейін, күндіз 15–22° аяздан 5–13° аязға дейін.
Орталығында түнде 20–31° аяздан 12–23° аязға дейін, күндіз 10–20° аяздан 1–12° аязға дейін жылыну күтіледі.
Республиканың шығысында түнде ауа температурасы 13–23° аяздан 25–33° аязға дейін төмендейді.