Иран әскері Вашингтонның әрекеттеріне жауап ретінде АҚШ-тың әскери базаларына соққылар жалғаса беретінін мәлімдеді, деп хабарлайды Ulysmedia.kz.
МӘН-ЖАЙ
Иран армиясының қоғаммен байланыс қызметі Иорданиядағы АҚШ әскери күштерінің «Әл-Азрак» әуе базасына камикадзе-дрондармен соққы жасалғанын хабарлады. Mehr агенттігінің мәліметінше, шабуылдың нысанасына америкалық F-18 жойғыш ұшақтары орналасқан орындар, тұрғын корпустар және әскери техника сақталған ірі ангар түскен.
Иран әскері бұл шабуыл АҚШ-тың Иран аумағына жасаған соққыларына және атысты тоқтату режимінің бұзылуына жауап ретінде ұйымдастырылғанын мәлімдеді.
Сондай-ақ әскери ведомство «жауапсыз қалатын шабуылдар дәуірі аяқталды» деп атап өтіп, мұндай операциялар «түпкілікті жеңіске» жеткенге дейін жалғасатынын ескертті.
КОНТЕКСТ
АҚШ пен Иран 8 шілдеден бері бір-біріне соққы жасап келеді. Бұған дейін АҚШ президенті Дональд Трамп Конгреске екі елдің соғыс жағдайында екенін ресми түрде хабарлаған болатын.