Мемлекет басшысы ХХІІ Қазақстан – Ресей өңіраралық ынтымақтастық форумына қатысу үшін Омбы қаласына барды. Сапар аясында Ресей президенті Владимир Путинмен кездесу де жоспарланған, деп хабарлайды Ulysmedia.kz.
Мән-жай
Ақорданың хабарлауынша, Қасым-Жомарт Тоқаевты Ресей Федерациясы Үкіметі төрағасының орынбасары Алексей Оверчук, Омбы облысының губернаторы Виталий Хоценко және басқа ресми тұлғалар күтіп алды.
Омбыда Путинмен кездесу өтеді
Бұған дейін Ақорда Қасым-Жомарт Тоқаевтың сапар барысында Владимир Путинмен кездесетінін хабарлаған еді. Ресей президенті де форумға қатысу үшін Омбыға келеді.
Іс-шара 24 және 25 шілде күндері өтеді. Бағдарламаға жастар форумы, екі елдің іскерлік кеңестерінің отырысы, іскерлік байланыстар алаңы, сондай-ақ, мәдени және көрме шаралары енгізілген.
Қазақстан мен Ресейдің өңіраралық ынтымақтастығы форумы мемлекет басшыларының қатысуымен 2003 жылдан бері өткізіліп келеді.