Доллар бағамы үшінші күн қатарынан төмендеп отыр. 12 тамыздағы сауда-саттық қорытындысы бойынша Қазақстан қор биржасындағы (KASE) АҚШ валютасының орташа бағамы 465,13 теңге болды, деп хабарлайды Ulysmedia.kz.
Ұлттық валюта нығайып келеді
Бір күнде доллар тағы 69 тиынға арзандады. Алдыңғы күні оның бағамы 465,82 теңге болған.
Еуро бағамы айтарлықтай өзгерген жоқ – 537,03 теңге. Рубль 0,69% арзандап, 5,6188 теңгеге түсті.
Контекст
3 тамызда доллар 475,23 теңгеден саудаланған еді. Осылайша, тоғыз күн ішінде АҚШ валютасы 10,10 теңге арзандады. Осы кезеңдегі айтарлықтай өсім 7 тамызда байқалғанымен, демалыс күндерінен кейін доллар қайтадан төмендей бастады.