Алматы полициясы соққыға жығылған заңгерлердің арызы бойынша қылмыстық іс қозғады, деп хабарлайды Ulysmedia.kz.
Бұдан бұрын хабарлағанымыздай, заңгер Анна Димитриевич күйеуі Олег Чернов екеуін Дәулет Тұрлыхановтың ұлы Нұрасыл соққыға жыққанын мәлімдеді.
“Алматы қалалық ПД аталған дерек ҚР ҚК-нің 293-бабы “Бұзақылық” бойынша сотқа дейінгі тергеудің бірыңғай тізіліміне тіркелгенін хабарлайды. Қылмыстық іс бойынша алғашқы тергеу әрекеттері жүргізіліп, сараптамалар тағайындалды”, – делінген полиция хабарламасында.
ІІМ мәліметінше, күдікті әскери адам болғандықтан, іс материалдары соттылығын анықтау үшін қалалық прокуратураға жіберілген.