29–30 қыркүйекте Қазақстанның басым бөлігінде күн ашық әрі жауын-шашынсыз болады. Ал 1 қазаннан бастап ауа райы күрт өзгереді, деп хабарлайды Ulysmedia.kz.
Алдағы екі күнде елдің басым бөлігі антициклон ықпалында болады. Жауын-шашын болмайды деуге болады.
Алайда түнде және таңертең кей жерлерде тұман түседі. Ал солтүстік өңірлерде ауа температурасы −3 градусқа дейін төмендеп, үсік сақталады.
Күндіз солтүстікте ауа температурасы +15...+23 градусқа дейін көтеріледі.
Оңтүстікте жылырақ болады: +20...+25 градус.
Таулы аймақтарда күн салқындау, ауа температурасы +8...+15 градус шамасында болады.
1 қазаннан бастап ауа райы өзгереді.
Елдің басым бөлігіне атмосфералық фронттар келеді. Синоптиктер жаңбыр жауып, найзағай ойнайтынын және желдің күшейетінін болжап отыр.
Бұған дейін де Қазақстанда ауа райы күрт бұзылған еді.
28 қыркүйекте елдің солтүстік, шығыс және орталық өңірлерінде ауа температурасы −3 градусқа дейін төмендеп, үсік жүрген.
Оңтүстікте жаңбыр жауып, найзағай ойнаған. Қызылорда және Түркістан облыстарында шаңды дауыл көтерілген.
Жетісу облысында жел екпіні секундына 23–28 метрге дейін жеткен.
Көптеген өңірде өрт қаупі жоғары және төтенше деңгейде сақталып отыр. Әсіресе елдің оңтүстігі мен Жетісу облысында өрт қаупі жоғары.