Қазақстанда сәуір айында фастфуд қызметтерінің құны бір айда 0,4%-ға, ал жылдық мәнде 15,9%-ға қымбаттады, деп хабарлайды Ulysmedia.kz.
Ұлттық статистика бюросының мәліметінше, бір айда баға Солтүстік Қазақстан облысында айтарлықтай өсті - 5,7%. Бағаның өсуі бойынша үштікке Жамбыл (4%) мен Жетісу (2,2%) облыстары да кірді.
Бір жылдық мәнде өңірлер арасында баға Батыс Қазақстан (47,2%) және Солтүстік Қазақстан (44,4%) облыстары, Шымкент қаласында (37,9%), сондай-ақ Атырау (33,8%) және Жамбыл (33,7%) облыстарында қатты қымбаттады. Ең төменгі жылдық баға өсімі Түркістан (6,4%) және Қызылорда (6,3%) облыстарында тіркелді.
Айта кетейік, Қазақстанда бір жыл ішінде әлеуметтік маңызы бар азық-түлік тауарларының бағасы 10,7%-ға өсті.
Порталымызға берген сұхбатында Үкімет басшысының орынбасары – Сауда және интеграция министрі Серік Жұманғарин Қазақстанда азық-түліктің қымбаттауы қашан тоқтайтынын айтқан болатын.