Биылғы үш айда елімізге 7,7 мың адам келген, бұл өткен жылғыдан 87% жоғары, деп хабарлайды Ulysmedia.kz.
Ұлттық статистика бюросының мәліметінше, Қазақстанға көшіп келушілердің 5,5 мыңы қалаларға (бір жыл бұрынғыға қарағанда 2,2 есе жоғары), 2,2 мыңы ауылдарға (бір жыл бұрынғыдан 33,3% көп) қоныстанған.
Қоныс аударушылар көбіне Маңғыстау облысына келген – 1,5 мың адам, оған қоса жылына 10,6%. Көшіп келушілер үшін танымал өңірлер Алматы (1,4 мың адам, жылына өсім 2,3 есе) және Алматы облысы (791 адам, жылдық өсім 2 есе). Ал Қызылорда облысына қоныс аударушылар аз, жыл басынан 4 адам ғана келді.
Айта кетейік, бұдан бұрын 2023 жылдың шілдесінен бастап өзге елде тұратын этникалық қазақтар «Ата жолы» картасын алып, Қазақстанға оңайлатылған кіру мүмкіндігін пайдалана алатынын хабарлағанбыз.