Өзбекстанда президент сайлауы өтіп жатыр, сайлаушылардың 33 пайыздан астамы дауыс берді, деп хабарлайды Ulysmedia.kz.
Бұл туралы ОСК төрағасының орынбасары Бахром Кучкаров мәлімдеді.
Жергілікті уақыт бойынша сағат 11:00-де сайлаушылардың 33,54 пайызы дауыс берді.
Сайлаушылардың қатысуын анықтайтын электронды жүйенің мәліметінше, таңғы сағат 11.00-ге дейін сайлау учаскелеріне 6 463 874 сайлаушы немесе жалпы тізімнің 33,54 пайызы келген.
Сайлауда төрт үміткер бар:
Халықтық демократиялық партиядан – Ұлықбек Иноятов;
Кәсіпкерлер мен іскерлер қозғалысы – Либералдық-демократиялық партиядан (УзЛиДеП) – Шавкат Мирзиёев;
«Адолат» социал-демократиялық партиясынан – Робахон Махмудова;
Экологиялық партиядан – Абдушукур Хамзаев.
Шавкат Мирзиёевтің кандидатурасын «Миллий тикланиш» партиясы да өз кандидатурасын ұсынбай қолдады.
Сайлауалды үгіт науқаны 7 маусым мен 7 шілде аралығында өтті. 8 шілде, сенбі тыныштық күні болды.
Өзбекстанда кезектен тыс сайлауға 30 сәуірде өткен конституциялық референдум себеп болды, ол басқа өзгерістермен қатар қазіргі президент Шавкат Мирзиеевке «нөл» құқығын берді, яғни енді ол тағы екі рет – 2040 жылға дейін президенттікке үміткер бола алады.