Кабулдың жаңа билігі Ауғанстандағы әйелдердің құқықтарын құрметтеуге және оларға оқу мен жұмыс істеуге мүмкіндік беруге уәде берді, деп хабарлайды ulysmedia.kz.
iz.ru-дің мәліметінше, бұл туралы 11 қазанда «Талибан» қозғалысының Қазақстанда тыйым салынған террористік ұйым) өкілі Забихулла Мужахид мәлімдеді.
Бұл ретте ол бұл мәселе бойынша Батыстың қысымына жол берілмейтінін айтып өтті.
«Біз адам құқықтарын, оның ішінде әйелдер мен балалардың құқықтарын және дініміз Исламға сәйкес басқа да құқықтарды құрметтеуге уәде береміз. Біз бұған уәде береміз, бірақ басқа елдер мен ұйымдар бізге қысым жасамауы керек, өйткені біз әлі де ережелерді тұжырымдап, жүйені қайта құрып жатырмыз. Сондықтан біздің мемлекетті мойындамайтындар бізге қысым жасамауы керек және не істеуіміз керектігін біз үшін шешпеуі керек. Бірақ біз әлемдік қауымдастықты адам құқықтарын құрметтейтінімізге және дұрыс бағытта қозғалатынымызға сендіреміз», - дейді қозғалыс өкілі.
Оның айтуынша, Ауғанстандағы әйелдер білім алуға құқылы, сонымен қатар белгілі бір ережелерді сақтай отырып жұмыс істей алады.