5 тамыз күні сағат 16:15-те Астана қаласы Төтенше жағдайлар департаментінің өрт сөндіру бөлімшелеріне Алматы ауданы Сарын көшесінің бойында газ баллонының жарылғаны жөнінде хабарлама түскен, деп хабарлайды Ulysmedia.kz.
Өрт сөндірушілер келген кезде екі қабатты жеке тұрғын үйдің бірінші қабатындағы қазандықтан газ-ауа қоспасы шыққаны анықталды. Алайда өрт сөндірушілердің жедел әрекеті мен жедел жұмысының арқасында тілсіз жау өршімеген.
Оқиға салдарынан үш адам зардап шекті: 1995 жылы туған ер адам және 2016 және 2021 жылы туған екі бала ауруханаға жатқызылды.
Жаңартылған ақпаратқа сәйкес, балон редуктор мен жоғары қысымды шлангтың көмегімен газ плитасына қосылған. Алдын ала болжам бойынша, оқиғаның себебі электр қуатын кезекті қосу кезінде орын алған және газ-ауа қоспасының шығуына әкелген газдың шығуымен байланысты болған.
Төтенше жағдайлар министрлігі азаматтарды газ балондарын пайдалану ережелерін қатаң сақтауға және газды тек лицензиясы бар бекеттерден ғана құюға шақырады.