Осы жылдың қаңтары мен қыркүйегі аралығында министрліктер бөлінген 13 млрд теңгені, ал әкімдіктер 4 млрд теңгені игеріп, мақсатты түрде жұмсай алмаған, деп хабарлайды ulysmedia.kz.
«Министрліктер бойынша 13 млрд теңге игерілмеді. Игерілмеудің неғұрлым ірі сомалары мәдениет және спорт, денсаулық сақтау, әдiлет, цифрлық даму, инновациялар және аэроғарыш өнеркәсібі министрліктерінде қалыптасты. Игерілмеудің негізгі себептері: төлем нақты көрсетілген қызмет көлемі бойынша жүргізілгенінде, орындалған жұмыс актілерінің, шот-фактуралардың уақтылы ұсынылмауында, қазынашылық органдарына төлем шоттарын кеш ұсынуып, сотта мемлекет мүддесін қорғау жөніндегі талап-арыз жұмыстарын жүргізуде болып отыр», - деді қаржы министрі Ерұлан Жамаубаев үкіметтің бүгінгі отырысында.
Оның айтуынша, өңірлер де 4 млрд теңгені игере алмаған.
«Ең көп игерілмеу көрсеткіші Түркістан, Ақтөбе, Қызылорда және Жамбыл облыстарында қалыптасты», - деді ол.