2023 жылдың қаңтар-шілде айларында Қазақстанда 107,8 мың тонна күріш өндірілген, бұл 2022 жылдың сәйкес кезеңімен салыстырғанда 15,3%-ға аз, деп хабарлайды Ulysmedia.kz.
Ұлттық статбюро мәліметінше, өндіріс көлемінің төмендеуі аясында импорт аталған уақыт аралығында 3,5 есе, яғни 5,5 мыңнан 19,1 мың тоннаға дейін өсті. Бұл ретте импорт өнімінің үлес салмағы 15% құрады.
“Бұл ретте күріш экспорты да 9,9%-ға, 69,8 мың тоннаға дейін өсті (2022 жылғы қаңтар-шілде – 63,5 мың тонна). Биылғы 7 айда ішкі нарықтағы сатылым 57 мың тоннаны құрады, бұл бір жыл бұрынғы көрсеткіштен 17,7% кем”, – делінген хабарламада.
Айта кетейік, биыл Түркістан, Қызылорда және Жамбыл облыстарындағы су шаруашылығының жағдайы күрделі болды. Осы орайда журналистер ауыл шаруашылығы министрлігі күріш бағасы қаншалықты қымбаттауы мүмкін екенін айтқан.